Ye galiyon ke awaara bekaar kutte
ke bakhsha gaya jin ko zauq-e’-gadaai
ke bakhsha gaya jin ko zauq-e’-gadaai
zamaane ki phitkar sarma’yah unka
jahaan bhar ki dhutkaar unki kamaai
na aaraam shab ko na raahat savere
ghilazat mein ghar, naaliyon mein basere
jo bighrein to ek doosre se lara do
zara ek roti ka tukra dikha do
ye har ek ki thokarein khaane wale
ye faaqon se ukta marjaane wale
ye mazloom makhlooq gar sar uthaae
to insaan sab sarkashi bhool jaaye
to insaan sab sarkashi bhool jaaye
ye chaahein to duniya ko apna bana lein
ye aaqa’on ki haddiyan tak chaba lein
ko inko ehsas-e’-zillat dila de
koi inki soi hui dum hila de
Leave reply